Ey Cemâl-i Hakk'a Tâlib Eyle İ'râz-ı Sivâ
9 Mart 2023 tarihinde yayınlanmıştır.
NASÎHAT
Ey cemâl-i Hakk'a tâlib eyle i'râz-ı sivâ
V'ey kemâl-i zâta râgıb etme ikbâl-i hevâ
'Aşkına Allah de kurtul kayd ü bendden var yürü
Ko vücûd-ı müste'ârın hiç gerekmez mâsivâ
Hakk'a teslîm ol huzûrullâhı hiç terk eyleme
Zâkir ol düş derd-i 'aşka sen 'azîzim bul devâ
'Aşkdan hâzık tabîb olmaz kes-i dil-mürdeye
Bil hakîkat 'aşk ile ihyâ olur her bî-nevâ
Cümle edyân u 'ulûm hep anla 'aşkdan bahs eder
'Âkılâna 'aşkı inkâr eylemek olmaz revâ
Hakk'ı tevhîd eyleyüp gir ehl-i vahdet bezmine
Vahy olunsun tâ ki "er-rahmânu 'ale'l-'arşi'stevâ"
Cezbe-nâk olmuş bu Hikmet yâ Resûle'l-Hâşimî
Ehl-i Beyt'in 'aşkına haşr et anı tahte'l-livâ
Ârif Hikmet Gökoğlu
Kuddise Sırruh