MuzafferOzak.com (Türkçe)

NASÎHAT

Ey cihâna dil veren 'azmin kanı Rahmân'ına

Pâdişâhından habersiz gel beri dön Hân'ına

Çünki ol yâr ile evvel 'ahd ü peymân eyledin

Ey kılan 'ahdi fenâ kavlin kanı peymânına

Seni insân eyledim deyü öğer ol Pâdişâh

Andan artuğa gönül vermek düşer mi şânına

Ger sen anın 'aşkı derdin bâşına tâc etmedin

Ehl-i erkândan habersiz hayf ola erkânına

Aç gözün kaldır hicâbı gayrıdan gel gayrete

Yâd olasın biliş iken sen ebed mihmânına

Dü cihânı terk edenler 'aşka mihmân oldular

Gel şikâr eyle sen anın derdine dermânına

Gel fenâdan ön fenâ ol kim ziyân etmeyesin

Rü'yet-i Hakk görüne şâyed senin seyrânına

Mâsivâdan rûhunu pâk eyleyen sâdıkların

Himmeti bahrına dal kim eresin 'ummânına

Ey Sinân Ümmî kamer devrinde devrân eyledik

Ermeye zulmet hicâbından kalan devrânına

Elmalılı Sinân Ümmî

Kuddise Sırruh

Ey Cihâna Dil Veren Azmin Kanı Rahmân'ına