Ey Dost Bunca Kıyl u Kâl Ne Maksûd Hod Bir Haber Durur

18 Mayıs 2019 tarihinde yayınlanmıştır.

NUTK-İ ŞERÎF

Ey dost bunca kıyl u kâl ne maksûd hod bir haber durur

Ya bunca cüst ü cû nedir görene bir nazar durur

Dağlar aşup berye söküp ırak yere emek döküp

İstediğin bunda iken bu ne 'aceb sefer durur

Hiç ırak isteme anı cânından içerü cânı

Seninle biledir anı görmemek bî-basar durur

Hiç varmagıl ırak sefer 'ömrün geçer ecel erer

Dost bundadır halvet sever ne galaba haşar durur

Cânından ol dahi yakın key edeb bekle key sakın

Bilir isen dostluk hakkın dâim sana ol yâr durur

Dilin eydür Çalap hâzır pes kulağın niçün sağır

Senin sözüne sen münkir vallâh bu iş hatar durur

Sen uyursun ol uyanık eksiğini bilgil bayık

Dahi nice bulam tanık yoldaş u hem râzdâr durur

Mescid ü medrese sende sen yürürsün perâkende

Irak kaldın bu erkânda katı bu iş düşvâr durur

Bu tevhîd donunu giyen varlığını yoğa sayan

İşbu yola kâim duran mutlak bilin ol er durur

Ol işler tamâm olıcak ol düzenlik dirilicek

Gözün hicâbın silicek yer gök dolu dîdâr durur

Yûnus derd ile girüben 'aşkın yolunda dembedem

Varlığın yoğa sayuban ma'şûka intizâr durur

Yûnus Emre

Kuddise Sırruh