Ey Erenler Himmet Eylen Biz de Vâsıl Olalım
15 Şubat 2024 tarihinde yayınlanmıştır.
NUTK-İ ŞERÎF
Ey erenler himmet eylen biz de vâsıl olalım
Gide gide Ka`be-i maksûda dâhil olalım
Keyl-i evfâ ile alup feyz-i akdesden nasîb
Bir tükenmez rızka bu 'âlemde nâil olalım
Bu bedendir savma'a dervîşdir anda gönül
Cânib-i Hakk'a bu mihrâb içre mukbil olalım
Evveli bilmekdir anın âhiri olmak-durur
İşbu sırr-ı pâk ile gel imdi hâsıl olalım
Yed Hakk'ındır kesb anındır gayr yoḳdur arada
Nice bir halk ile Hakk'dan böyle gâfil olalım
Hak u bâtıl birbirinden bu kalemle buldu fark
Gel bu gûne Hakkı gibi Hakk'a kâil olalım
İsmâil Hakkı Bursevî
Kaddesallahu Sırrahu'l-Âlî