Ey Gönül Bir Derde Düş Kim Anda Dermân Gizlidir
15 Ağustos 2015 tarihinde yayınlanmıştır.
NUTK-İ ŞERÎF
Ey gönül bir derde düş kim anda dermân gizlidir
Gel karış bir katreye kim anda 'ummân gizlidir
Terk edüp cân u cihânı giy ferâgat cübbesin
Bu ferâgat cübbesinde sırr-ı Sultân gizlidir
Değme bir dervîş hakîre hor görüp hor bakma kim
Gönlünün her köşesinde 'arş-ı Rahmân gizlidir
Muhib ise cân u dil bulur hayât-ı câvidân
Dervîşin her bir sözünde âb-ı hayvân gizlidir
Gör bu Eşrefoğlu Rûmî bahr-i 'aşkda neyledi
Cân u bâşı terk edüp cân-ı cihânda gizlidir
Eşrefoğlu Rûmî
Kuddise Sırruh
Eşrefoğlu Rûmî
Kuddise Sırruh