Ey Gönül Bize Kerem Kıl Bile Seyrân İdelim
19 Temmuz 2019 tarihinde yayınlanmıştır.
NUTK-İ ŞERÎF
Ey gönül bize kerem kıl bile seyrân idelim
Cân u tenden geçüben gel 'azm-i cânân idelim
Ten nedir dostun yolunda ben anı terk itmeyem
Dost cemâlin görmeğe gel cânı kurbân idelim
Bu fenâ-ender-fenâyı terk idelim dost içün
Öz bekâ-ender-bekâ milkinde cevlân idelim
Âsitân-ı mürşidin gel kıble-i cân kılalım
Ol şeh-i şâhlar şâhın gel biz de mihmân idelim
Gel beri dağılmayalım katre-i bârân gibi
Cem' olup deryâlayın gel kasd-ı 'ummân idelim
Ben anın 'aşkı şarâbın içmişem her dem-be-dem
Dost cemâlin görmeğe gel 'arş-ı Rahmân idelim
Bu za'îf Yûnus'a çün ki bile yoldaş olmadın
Ey gönül ol şâhı gel taht-ı Süleymân idelim
Yûnus Emre
Kuddise Sırruh