Ey Gönül Eyleme Sivâya Heves
9 Aralık 2023 tarihinde yayınlanmıştır.
.jpg)
NUTK-İ ŞERÎF
Ey gönül eyleme sivâya heves
'Âşıḳ isen sana Hudâ'dır bes
'Ömr-i âdem güzer ider çü sabâ
Bu sebebden didiler ana nefes
Olagör bülbül-i bâğ-ı melekût
Münkesir olmadan bu hâkî kafes
Yanagör nâr-ı muhabbetde yürü
Eşk-i çeşmin revân kıl çü Ares
Hâne-i cânı itmeğe tenvîr
Nâr-ı kudretden eyle ahz-i kabes
Sana bâkî değil âhir fânî
Virme fânîye dil 'alâkayı kes
Hakkıyâ Hakk'a eylegil pervâz
Olmasın bu beden sana mahbes
İsmâil Hakkı Bursevî
Kaddesallahu Sırrahu'l-Âlî