Ey Gönül Gel Bu Cihândan Yürü Var Sen Kes Eli
20 Ağustos 2019 tarihinde yayınlanmıştır.
NUTK-İ ŞERÎF
Ey gönül gel bu cihândan yürü var sen kes eli
Var anın her bir umûrunda nice bin keseli
Sakın aldanma anın lezzetine 'izzetine
Berk-i hâtıf gibidir fark edegör bu meseli
Ni'meti nikmet anın devletinin âhiri let
Elem-i nîşine değmez hele nûş-i 'aseli
Fâriğ ol çekme elem mâlı anın mâr-ı melâl
Şemme-i sîm ü zeri semdir anın mâhasalı
Kimi ümmîd-i riyâsetle siyâsetde esîr
Kimisi câh u menâsıb çehi içre tasalı
Kimisi genc ü gınâ içre nefâisler yer
Kimisi künc-i 'anâda yok anın bir basalı
Şimdi meydân-ı cihân menzilini terk etdi
Bu Rusûhî okunu atalı yayını asalı
İsmâil Ankaravî
Kuddise Sırruh