Ey Gönül Gel Gam Yeme Bu Cîfe-i Murdâr İçün
18 Temmuz 2022 tarihinde yayınlanmıştır.
NUTK-İ ŞERÎF
Ey gönül gel gam yeme bu cîfe-i murdâr içün
'Âşıka olmaz revâ hüzn eylemek deyyâr içün
Fakr u faka hilye-i ebdâl-i Hakk'dır şübhesiz
Gussalanma bir iki günlük olan i'mâr içün
Vâ'izin hûr-ı cinân içün işitme pendini
Himmeti alçak anın kim nush ider ağyâr içün
Şîşe-i 'ârı kırup bin pâre eyle 'aşk ile
Zâhidin meczûbluğu bil ki hemân ol 'âr içün
'Aşk oduna şöyle yandır cismini Kuddûsîyâ
Kül olup savrul çağırsın cümle eczâ Yâr içün
Ahmed Kuddûsî
Kuddise Sırruh