Ey Gönül Hiç Etme Fikr-i În ü Ân
1 Ağustos 2023 tarihinde yayınlanmıştır.
NUTK-İ ŞERÎF
Ey gönül hiç etme fikr-i în ü ân
Olsa zikrin Hakk olursun câvidân
Mâsivâyı çün ferâmûş eyledin
Zâkir oldun anı bî-nutk-i lisân
Hoş bulunmaz dilde zevk-i zikr-i Hakk
Sende benlik olsa yâ sûd ı ziyân
Fâriğ olsa knedi kendinden gönül
Şâhid-i mezkûru buldu bî-mekân
Dilde kalmaz zikr-i esmâ vü sıfat
Zâtı mezkûr olsa cânında 'ayân
Kalbe müstevlî olunca zikr-i zât
Hâtıra gelmez dil ü cân ü revân
Vâlih ü medhûş ider cânı müdâm
Ol cemâl-i lâ-yezâl-i bî-nişân
Ne dilersen Hakk verir anı velî
Sen seni hem istemezsen ol zamân
Hakkı Hakk'dan iste böyle devleti
Etme fikr-i câh u mâl ü hânumân
Erzurumlu İbrâhim Hakkı
Kuddise Sırruh