Ey Gönül Tahtına Sultân-ı Cihân Kuşadalı
5 Aralık 2021 tarihinde yayınlanmıştır.
NUTK-İ ŞERÎF
Ey gönül tahtına sultân-ı cihân Kuşadalı
'Âşıkın hâne-i kalbinde nihân Kuşadalı
Görünür 'ârife vech-i ehadiyyet sende
Cân-ı cân cân-ı cihân cân-ı cinân Kuşadalı
Secde kıldım göricek iki kaşın mihrâbın
Bülbül-i sırdan erüp gûşa ezân Kuşadalı
Seyr-i fillâha varup kâf-ı fenâ ankâsı
Çağırır derd ile bâ-savt u zebân Kuşadalı
"Külle yevmin hüve fî şe'n" ile ıtlâka varup
Bulamam senden o vâdîde nişân Kuşadalı
Zîb-i destârım edüp bâğ-ı bekâ güllerini
Olmuşam ben dahi bir gülşen-i cân Kuşadalı
Kendimi kendine verdim arada yok Âlî hiç
Cism ü cân çeşm ü lisân kevn ü mekân Kuşadalı
Enderunlu Ali Âlî Efendi
Rahmetullahi Aleyh