Ey Hâce ki Biz Bende-i Merdân-ı Hudâ'yız
30 Eylül 2021 tarihinde yayınlanmıştır.
NUTK-İ ŞERÎF
Ey hâce ki biz bende-i merdân-ı Hudâyız
Ma'nâda şehiz gerçi ki zâhirde gedâyız
Bî-kayd-ı cihânız bize hükm eylemez âlâm
Ahrârlarız bende-i sultân-ı bahâyız
Sergeşte-i kûhuz gehî âvâre-i sahrâ
Hercâîleriz çün ki talebkâr-ı likâyız
Evsâf-ı derûn-ı dili izhâra ne hâcet
Ma'lûmmdur ahvâlimiz ashâb-ı safâyız
Sermest-i müdâmız velî esrâra habîriz
Tâ zülf-i girih-gîr ile biz 'ukde-güşâyız
Düşdü yere her kim ki bize kıldı 'adâvet
Kim derdkeşiz tîr-i kazâyız fukarâyız
Ruhsâre-i mehveşlere dil vermişiz ammâ
Zannetme ki müstağrak-ı deryâ-yı hatâyız
Nakşa nigeh ey hâce ki nakkâşa nigehdir
Sanma ruh-i zibâya nigeh 'ayn-ı günehdir
Seyyid Hamza Nigârî
Kuddise Sırruh