Ey Hâlık-ı Arz u Semâ Sen Rahm u Avn Eyle Bana
13 Haziran 2023 tarihinde yayınlanmıştır.
MÜNÂCÂT
Ey hâlık-ı arz u semâ sen rahm u 'avn eyle bana
Olup bugün haste koca geldim niyâz içün sana
Cismin 'alîl kalbim hazîn dâim işim âh û enîn
Sensin bana ancak mu'în ol dest-gîrim ey Hudâ
Nefsim ise 'ısyân ider her dem virir bana keder
Kârı hemîn tuğyân u şer sana iderem iştikâ
Oldur kılan müznib beni dahi ider gâfil denî
Ey rahmeti evsa' ganî pes eylerem rahmet recâ
Sensin gafûr dahi rahîm sensin raûf rahmân halîm
Sensin hafîz sensin kerîm hıfz it beni sen dâimâ
Sensin hidâyet eyleyen sensin himâyet eyleyen
Bize meveddet eyleyen hem nusret eyle sen bana
Kuddûsî'yi setr eyle hem iki cihânda virme gam
Çekdirme hiç zahmet elem itsün sana hamd ü senâ
Ahmed Kuddûsî
Kuddise Sırruh