Ey Harîm-i Harem-i Lem Yezelî
22 Mart 2020 tarihinde yayınlanmıştır.
NA'T-I ŞERÎF
Ey harîm-i harem-i lem yezelî
Mahrem-i perde-serây-ı ezelî
Meclis-i kurb ü şeb-i isrâda
Nûr-i mişkât dahî şem'-i celî
Dürr-i yekdâne-i bahr-i hilkat
Kân-i kevnin güher-i mâhasali
Câmi'-i şer'ine tâ subh-i kıyâm
Saff-ı kandîldir ashâb-ı velî
Şem' ü mihrâb ana 'Bû Bekr ü Ömer
Mahfil ü minberi Osman ü Ali
Darb-ı şemşîr-i ser-endâzını Hakk
Düşmenin eyledi darb-ı meseli
Bağbân-ı harem-i Îzid-i pâk
Çemen-ârâ-yı riyâz-ı "levlâk"
Yahyâ Nazîm Efendi
Yahyâ Nazîm Efendi