Ey Hazret-i Mahbûb-ı Hudâ Nûr-ı Musaffâ
4 Ekim 2024 tarihinde yayınlanmıştır.
NA'T-I ŞERÎF
Ey Hazret-i Mahbûb-ı Hudâ nûr-ı musaffâ
Envâr-ı cemâlin heme eşyâda hüveydâ
Bir katre değil bahr-i cihân cûduna nisbet
Bir zerre değil hüsnüne nisbet meh-i garrâ
Bir kerre gören lutfun ile vech-i şerîfin
Bî-şübhe olur âyîne-i kalbi mücellâ
İtmişdi kalem tecrübe Yûsuf'da mukaddem
Tâ şekl-i şerîfin yaza levh üzre habîbâ
Cism ile 'urûc itdiğinin hikmeti bu kim
Müştâk idi pâ-bûsuna 'arş-ı mu'allâ
Bûs itmeğe pâyin senin ey sûret-i Rahmân
Hasret idi cennetde kamu zümre-i havrâ
Ey kân-ı kerem Şeyhî senin teşne-lebindir
Sun la'l-i lebinden kerem it bâde-i hamrâ
Abdülmecid Sıvâsî
Kuddise Sırruh