Ey Hudâ Men Kapuna İhsâna Geldim El-Gıyâs
8 Mayıs 2023 tarihinde yayınlanmıştır.
MÜNÂCÂT
Ey Hudâ men kapuna ihsâna geldim el-gıyâs
Bir fakîrem sen Ganî sultâna geldim el-gıyâs
Çok kabâhat yok 'ibâdet yoldan azdım nideyim
Mağfiret deryâsı bol gufrâna geldim el-gıyâs
Gerçi mislim yok-durur 'isyânda ben bir sâilem
Sen Cevâd u Kâdir ü Kayyûm'a geldim el-gıyâs
Nefs ü şehvet 'aşk-ı hûbâna düşürdüler beni
Her cihetden derdliyem dermâna geldim el-gıyâs
'Âr u nâmûs havf u haşyet koymadı 'aşk-ı mecâz
Bir günahkâr kulunam sen hâna geldim el-gıyâs
Okudum esmâ-yı hüsnâ içre Gaffâr ismini
Kesmezem ümmîdi sen Hannân'a geldim el-gıyâs
Yok bu Kuddûsî gibi 'âlemde bir gümrâh deyüp
İ'tirâf-ı cürm-ile dîvâne geldim el-gıyâs
Ahmed Kuddûsî
Kuddise Sırruh