Ey İden Harf-i Kec ü Râstda Sarf-ı Kalem
22 Mart 2024 tarihinde yayınlanmıştır.
NUTK-İ ŞERÎF
Ey iden harf-i kec ü râstda sarf-ı kalem
Kalbdir vefk-i rasadhâne-i ism-i a'zam
Çâkiçâk olmayıcak sîne-i sahrâ gibi dil
Cereyân itmez o vâdîlere enhâr-ı hikem
'Uzleti pîşe edin kim açıla 'ayn-ı havâs
Kıl sefer bâtına zâhirden odur fi'l-i ehem
Olsa tashîf-i kitâbetde eğer el-'izzu leh
Olur el-'izzu leh ey vâkıf-ı imlâ-yı rakam
Güneh olmasa eğer 'afva karîn olmaz idi
Hulle-i mağfiret üstünde tebâşîr-i nedem
Değil insana sezâ cem' u kabûli diyerek
Arz ider çîn-i cebînin sana hâl ile direm
Hükm-i esmâ-i tezâd ile Müsellem şeb ü rûz
Kabz u bast üzre geçer müddet-i 'ömr-i âdem
Ahmed Müsellem Efendi
Kuddise Sırruh