MuzafferOzak.com (Türkçe)

MÜNÂCÂT

Ey lutf u cûd ıssı Hudâ eyle bize fazl ü kerem

Nûrunla vir kalbe zıyâ eyle bize lutf u kerem

Yolunda kıl fazlın refîk âsân ola tâ ki tarîk

Kıl bahr-i vaslına garîk eyle bize lutf u kerem

Ref' ola vechinden nikâb kalmaya arada hicâb

Kıl lutf u cûduñ bî-hisâb eyle bize lutf u kerem

Cümle vücûd-ı mümkinât meclâ-yı esmâ vü sıfat

Pejmürde dil bulsun hayât eyle bize lutf u kerem

Maksûd-ı emr-i kün-fe-kân zâtın durur zâhir nihân

Her zerrede nûrun 'ayân eyle bize lutf u kerem

Cûdun ile bulduk vücûd vir yine hakkânî şühûd

İre kemâle fazl u cûd eyle bize lutf u kerem

Yâ Rabbenâ yâ Rabbenâ eyle Fenâyî'ye 'atâ

Gitsin nazardan mâsivâ eyle bize lutf u kerem

Fenâyî Mehmed Efendi

Kaddesallahu Sırrahu'l-Âlî

Ey Lutf u Cûd Issı Hudâ Eyle Bize Fazl ü Kerem