Ey Nûr-i Dîdem Hazret-i Allah'a Emânet
24 Nisan 2023 tarihinde yayınlanmıştır.
NUTK-İ ŞERÎF
Ey nûr-i dîdem Hazret-i Allah'a emânet
Ol her dü-serâ 'avn ü 'inâyetle selâmet
Nâsırın ola Hazret-i Allah dü cihânda
Tevfîkini refîk ede hem dilde hidâyet
Sâbit ola ikrâr ile tasdîk ne keremdir
Tamâm ola tevhîd ile enfâs nihâyet
Namâz ise îmân nûrudur hem rûh-i dildir
Namâzda olan secdedir sırr-ı se'âdet
Savm ile salât hacc ü zekât şâhid-i tevhîd
Şürûtu ile eyle tamâm emre itâ'at
'Âlemleri halk eyleyen Allah ise Rabbim
Fermânına muhâlif olan ehl-i şekâvet
Müslümân olan Lutfî tutar dâmen-i şer'i
'Abd ise eğer ma'bûduna eyler itâ'at
Alvarlı Efe Hâce Muhammed Lutfî
Kaddesallahu Sırrahu'l-Âlî