Ey Rûh-i Kuds Cân u Tene Cân u Cihân Ol
22 Nisan 2022 tarihinde yayınlanmıştır.
NUTK-İ ŞERÎF
Ey rûh-i kuds cân u tene cân u cihân ol
Ref' et aradan perdemizi 'ayna 'ayân ol
Vahdetde idik senin ile bezm-i "belâ"da
Bu 'âlem-i kesretde dahi yine hemân ol
Bu hâk ü hevâ nâr ile mâdan güzer eyle
Yâd et vatan-ı aslını bir genc-i nihân ol
Firkate düşüp etme hezâr nâle vü zârı
Gül mevsimidir vechine anın nigerân ol
Kılmadı nazar 'ârif olan hûr u cinâna
Er cennet-i vaslına Fenâyî hûr-i cinân ol
Ehl-i Cennet Fenâyî Mehmed Efendi
Kuddise Sırruh