Ey Şâh-ı Enbiyâ Sen O Hikmet-şi'ârsın
16 Ekim 2020 tarihinde yayınlanmıştır.
NA'T-I ŞERÎF
Ey şâh-ı enbiyâ sen o hikmet-şi'ârsın
Âhir-zamâna bir gül-i evvel-bahârsın
Hurşîdi lerzenâk u mehi sîne-çâk iden
İki cihâna bir şeh-i 'âli-tebârsın
Zıllın cihâna mâye-i emn ü emân iken
Nâ-bûd bûy-ı gül gibi sen âşikârsın
Na't-ı şerîfin ile şeref-yâb olanların
Müşkil deminde dürr-i terahhum-nisârsın
Reşk-i selef olursa n'ola ümmetin senin
Peygamberâna server-i sâhib-vakârsın
Hallâk-ı 'âlem itdi salât u selâmını
Şâyân-ı medh ü 'âtıfet-i Kirdgârsın
Kâmî-i dil-figâra amân el-meded yetiş
Ol gün ki müznibîne şefâ'at-medârsın
Edirneli Kâmî Efendi