Ey Şâh-ı Enbiyâ Sen O Rahmet-şi'ârsın
10 Kasım 2020 tarihinde yayınlanmıştır.
NA'T-I ŞERÎF
Ey şâh-ı enbiyâ sen o rahmet-şi'ârsın
Âhir zamâna bir gül-i evvel-bahârsın
Hurşîdi lerze-nâk mehi sîne-çâk eden
İki cihâna bir şeh-i sâhib-vekârsın
Gölgen cihâna mâye-i emnü amân iken
Nâbûd bûy-i gül gibi sen âşikârsın
Reşk-i selef olursa n'ola ümmetin senin
Peygamberâna server-i âlî-tebârsın
Hallâk-ı âlem etdi salât ü selâmını
Şâyân-ı medh-i âtıfet-i Girdigâr'sın
Kâmî-i dilfikâra emân ol meded yetiş
Ol gün ki müznibîne şefâat-medârsın
Edirneli Kâmî Efendi