Ey Sâlik-i Merd-i Hudâ Etmek Gerek Cânı Fedâ
15 Nisan 2023 tarihinde yayınlanmıştır.
NUTK-İ ŞERÎF
Ey sâlik-i merd-i Hudâ etmek gerek cânı fedâ
Pervâz ile Hakk'dan yana bâd-ı sabâ ere sana
Evvel vücûdun eyle sen bâğ-ı celâda cümle nûr
Var ey gönül cehd eyle kim olmayasın andan cüdâ
Bu râh-ı Hakk'da 'ayn şın kaf derd olupdur 'âşıka
Bu derd-durur 'ayn-ı devâ eyler kulûbu pür-safâ
Şer'a ri'âyet eyleyüp bin cân ile cehd eyle kim
Hakk'ın habîbi Mustafâ ede sana bir merhabâ
Ol muktedâ-yı 'aşk durur kim oldu bunda bî-garaz
Ol bî-gümân vasl oldu yâre etdi 'ahdine vefâ
Gel bî-vücûd ol ey Nasûhî çün ki buldun sen vücûd
Fıkdân-ı kevneyn eyle kim ersin sana anda bekâ
Üsküdarlı Şeyh Muhammed Nasûhî
Kaddesallahu Sırrahu'l-Âlî