Ey Sanemin Kaddi Bize Serv-i Revân mısın Nesin
29 Temmuz 2020 tarihinde yayınlanmıştır.
NUTK-İ ŞERÎF
Ey sanemin kaddi bize serv-i revân mısın nesin
Nâz ile gel başla söze 'âşıka cân mısın nesin
Tîr-i müjen bu sîneme şerhalar açdı el-amân
Vaslı ile dermân eden ebru kemân mısın nesin
Çeşme-i hayvân mı lebin deprenicek mürde dile
Remz ile cân bahşeden 'Îsâ'yı zamân mısın nesin
Tal'at-ı rûyunla hemân mâh-ı zekâ hâke düşer
Tab ü tüvânı mahv olur hûr-i cinân mısın nesin
Gamze-i fettânının îmâsına râm oldu bu dil
Mezheb-i 'âşıkân mısın dîn ü îmân mısın nesin
Şârih-i zülfün ne aceb hâl ü hattın fehm edemez
'Ârife ey günden 'ayân sırr-ı nihân mısın nesin
Kasd eder a'dâ meded et Aydî-i hâhişgerine
Ey sebeb-i necâtımız dârü'l-emân mısın nesin
Aydî Baba
Kuddise Sırruh