Ey Serîr-ârâ-yı Vahdet Fâtih-i Kenz-i Cevâd
27 Aralık 2024 tarihinde yayınlanmıştır.
NA'T-I ŞERÎF
Ey serîr-ârâ-yı vahdet fâtih-i kenz-i cevâd
Mebde'-i îcâd-ı 'âlem menşe'-i 'akl-ı ma'âd
Olmasa zâtın kalır idi 'ademde kâinât
Zâtın içün hilkat-i kevneyni Hakk itdi murâd
Zatını mir'ât-ı zât itdi o demde cilveger
Oldu esmâ vü sıfatı andan a'yân-ı 'ibâd
Zât-ı pâkinle izâfe itdin ihyâya tamâm
'İlm-i Hakk'dan kudret ile 'ayna geldi her murâd
İstifâza itdi zâtından çü ervâh-ı güzîn
Pes ebu'l-ervâh olur sana hakîkat üzre âd
Ümm-i eşyâ cedd-i âdemsin eyâ asl-ı usûl
Senden istimdâd ider her nîk u bed bâ-i'timâd
Yâ Resûlallah meded kıl bu Salâhî bendene
Şol zamân ki fâide virmez kişiye ictihâd
Abdullah Salâhaddîn Uşşâkî
Kaddesallahu Sırrahu'l-Âlî