Ey Şeyh Beni Dergeh-i Mevlâ'ya İrişdir
21 Ocak 2024 tarihinde yayınlanmıştır.
İSTİMDÂD
Ey şeyh beni dergeh-i Mevlâ'ya irişdir
Bu yolda koma menzil-i ma'nâya irişdir
'Aşkımdan akar gözlerimin eşki çü seyl-âb
Yüzüm süre geldim beni deryâya irişdir
Bu kâfileden kaldım ise ger geri
Âhir tenhâ koma cem'iyyet-i kübrâya irişdir
Kapunda benim cümleden üftâde ü ednâ
Bir himmet idüp pâye-i a'lâya irişdir
Feyz-i ezelîden bana sun câm-ı mürevvak
Cân u ciğer-i teşneme bir mâye irişdir
İmdâdını kat' eyleme her kanda olursan
Hakkı kuluna feyz-i bilâ gâye irişdir
İsmâil Hakkı Bursevî
Kaddesallahu Sırrahu'l-Âlî