Ey Tâlib-i İrfânî Kesretde Koma Cânı
9 Ocak 2022 tarihinde yayınlanmıştır.
NUTK-İ ŞERÎF
Ey tâlib-i 'irfânî kesretde koma cânı
Bülbül gibi ol dâim vahdet gülü hayrânı
Meclâ-yı dül ü cânı pâk eyle 'alâyıkdan
Ede tecellî tâ kim pür hâlet-i rûhânî
Hâl ile kemâl ile tahsîl-i fenâ eyle
Bâkî olup ol sen de 'ilm-i ledünn sultânı
Mefhûm-i a'mâli bil a'malığı terk eyle
Fehm eyle şühûd ile el'ân u kemâ kânı
Duyduysa n'ola cânım keşf-i hakâyık semtin
Ref' etdi hicâbâtı bir kâmil-i rabbânî
Kâsât-ı mey-i 'aşkı içmezse n'ola zâhid
Takdîr-i ezeldendir şânında bu hırmânı
Esrâr-ı kemâl-i Hakk göründü Fuâdî'de
Feyyâz-ı ezel verdi çün neş'e-i rahmânî
Ömer Fuâdî
Kuddise Sırruh