Ey Tama'kâr Kimse Terket Râh-ı Nîrândır Tama'
9 Nisan 2020 tarihinde yayınlanmıştır.
Ey tama'kâr kimse terket râh-ı nîrândır tama'
Od olur cem' etdiğin şey âteş-i cândır tama'
Aç gözün gaflet uykusundan özün bîdâr kıl
Ârif isen bil anı kim cehl-i nâdândır tama'
Aza tama'dan çok ziyân hâsıl olur darb-ı mesel
Dâne-i dâm-ı belâ sayyâd-ı harmândır tama'
Nâr-ı dûzahdır hased ehlin yakar olma hasûd
Çek elin ol fi'lden kim fi'l-i şeytândır tama'
Hâr olur mahşerde cem'-i mâl ile meşgûl olan
Sâhibin pâmâl eden hüsrân ü hizlândır tama'
Kibr ü kîn ehli kemâl-i feyzden mahrûm olur
Hırs ile me'lûf olan nâdâna cevelândır tama'
Âl-i Süfyân mezhebinden buğz imiş âlî rüteb
Meslek-i Mervâniyân'da mîr-i mîrândır tama'
Her ne denli zâhid olsa cennete girmez bahîl
Buhl ile tev'em hemîşe zehr-i su'bândır tama'
Cennet-i a'lâ sehâvet ehline lâyık durur
Geç tama'dan gir behişte nâr-ı sûzândır tama'
Girmek istersen erenler bezmine dervîş olup
Nefsini kıl tezkiye îmâna düşmandır tama'
Ey tama'kâr kimse sana nush eder Hilmî Dede
Terket o fi'l-i kabîhi fi'l-i Mervân'dır tama'
Hilmî Dede
Kuddise Sırruh
Aç gözün gaflet uykusundan özün bîdâr kıl
Ârif isen bil anı kim cehl-i nâdândır tama'
Aza tama'dan çok ziyân hâsıl olur darb-ı mesel
Dâne-i dâm-ı belâ sayyâd-ı harmândır tama'
Nâr-ı dûzahdır hased ehlin yakar olma hasûd
Çek elin ol fi'lden kim fi'l-i şeytândır tama'
Hâr olur mahşerde cem'-i mâl ile meşgûl olan
Sâhibin pâmâl eden hüsrân ü hizlândır tama'
Kibr ü kîn ehli kemâl-i feyzden mahrûm olur
Hırs ile me'lûf olan nâdâna cevelândır tama'
Âl-i Süfyân mezhebinden buğz imiş âlî rüteb
Meslek-i Mervâniyân'da mîr-i mîrândır tama'
Her ne denli zâhid olsa cennete girmez bahîl
Buhl ile tev'em hemîşe zehr-i su'bândır tama'
Cennet-i a'lâ sehâvet ehline lâyık durur
Geç tama'dan gir behişte nâr-ı sûzândır tama'
Girmek istersen erenler bezmine dervîş olup
Nefsini kıl tezkiye îmâna düşmandır tama'
Ey tama'kâr kimse sana nush eder Hilmî Dede
Terket o fi'l-i kabîhi fi'l-i Mervân'dır tama'
Hilmî Dede
Kuddise Sırruh