Ey Vezîr-i Mülk-perver Kim Nizâm-ı Mülk için
26 Temmuz 2019 tarihinde yayınlanmıştır.
NASÎHAT
Ey vezîr-i mülk-perver kim nizâm-ı mülk için
İntihâb etmiş cemî'-i halkdan sultân seni
Hall ü 'akdin 'âlemin kılmış mufavvaz râyına
Nâib-i hükm-i hilâfet eyleyüp devrân seni
Kıl hazer kim olmaya nâgeh mizâcın münkalib
Kılmaya sermest câm-ı şevket-i dîvân seni
Olasın insâf için mansûb iken ehl-i fesâd
Ede dîn ehline âfet kıllet-i îmân seni
Etmeğe ma'mûre-i İslâm'ı vîrân kendüye
A'zam-ı a'vân ü ensâr eyleye şeytân seni
Etmiş iken efdâl-i halk-i cihân ikbâl ile
Erzel-i ehl-i cehennem eyleye Sübhân seni
Fuzûlî