MuzafferOzak.com (Türkçe)

NUTK-İ ŞERÎF

Ey yanan nâr-ı sivadan menba'-ı envâra gel

Dergeh-i Ahmed Rıfâî'de açıl gülzâra gel

Terk idüp inkârı ey dil sıdk ile ikrâra gel

Dergeh-i Ahmed Rıfâî'de açıl gülzâra gel

Halka-yı tevhîde cân ver nefha-yı Îsâ gibi

Hâmil ol sırr-i Alî'yi nây-i Mevlânâ gibi

Âh u feryâd ile her dem bülbül-i şeydâ gibi

Dergeh-i Ahmed Rıfâî'de açıl gülzâra gel

Kayd-ı hestîyi yıkup başdan başa vîrâne ol

Bûd ü nâbûd-i cihânı bilme gel dîvâne ol

Nâr-ı aşka ey gönül Bâkî gibi pervâne ol

Dergeh-i Ahmed Rıfâî'de açıl gülzâra gel

Galata Mevlevîhânesi Postnîşini
Abdülbâkî Dede

Kuddise Sırruh

Ey Yanan Nâr-ı Sivâdan Menba'-ı Envâra Gel