Ey Zâhid-i Fersûde-dil İrfâna Gel İrfâna Gel
12 Şubat 2024 tarihinde yayınlanmıştır.
NUTK-İ ŞERÎF
Ey zâhid-i fersûde-dil 'irfâna gel 'irfâna gel
Fermân-ı 'aşka bağla bel sultâna gel sultâna gel
Âh et gönülden zâr ile müstağrak ol envâr ile
Pür-şevk olup dîdâr ile vicdâna gel vicdâna gel
Görmek dilersen dilberi terk-i cihân et gel beri
Bu arsada top et seri çevgâna gel çevgâna gel
Olmak dilersen ehl-i sırr cünd-i kuvâ-yı nefsi kır
Şevk ile darb-ı zikre gir devrâna gel devrâna gel
'Iyd-i visâl oldu yine arz-ı cemâl oldu yine
Kanlar helâl oldu yine kurbâna gel kurbâna gel
Nûrî dilersen feyz ola bu mahzen-i kalbin dola
Deryâ gibi pür-mevc ola 'ummâna gel 'ummâna gel
Şeyh Abdülehad Nûrî
Kuddise Sırruh