Eyledi Hakk Akl-ı Evvelden Cihâna İbtidâ
1 Şubat 2025 tarihinde yayınlanmıştır.
NUTK-İ ŞERÎF
Eyledi Hakk 'akl-ı evvelden cihâna ibtidâ
Buldu âdemle binâ-i 'âlem âhir intihâ
Evvel ü âhir bir oldu gitdi âhir ikilik
Fasl-ı nısf-ı dâire vasl oldu buldu şekl-i Hâ
Fatka nisbet biri 'ulvî vü biri süflî dinilir
Cevher-i vâhiddir ammâ ratkla arz u semâ
Âdemi deryâ edüp kıldı gıdâsını semek
Virdi her deryâ ile hûtun hayâtın ol Hudâ
Kim ki bildi nefsini ol bildi âhir rabbini
Vahdete remz itdi işbu sözde şâh-ı enbiyâ
Hakkıyâ şol halkanın devrini tekmîl eyledin
Vahdeti kesretde buldun âferin olsun sana
İsmâil Hakkı Bursevî
Kaddesallahu Sırrahu'l-Âlî