Eyleyüp Habl-i Metîn-i Edeb-i Şer'i Nitâk
20 Şubat 2022 tarihinde yayınlanmıştır.
NUTK-İ ŞERÎF
Eyleyüp habl-i metîn-i edeb-i şer'i nitâk
Beline merd-i Hudâ hizmetine var anı tak
Gizli dîn tutmağa mecbûr oluyor ehl-i ilâh
Ehl-i 'âlem olalı sâlik-i minhâc-ı nifâk
Cûş edüp çeşmi döker çeşm-i sürâhî gibi kân
Bezm-i 'aşkında olan mest-i müdâm-ı rakrâk
Nev-civân-baht-ı cihân görmeğe kendi özünü
Pîr-i merdân yaraşır destine ger alsa tabak
Seni görmek beni görmek gibi âsândır bana
Sende mahv etmese hayretle beni istiğrâk
Yine bir mihr-i cihân-tâb bulur arz değil
Olsa ser-menzil-i dil küngüre-i seb'-i tıbâk
Bî-ser ü pây-ı muhabbet bulur enhâ-yı vasî'
Bir gün ol arsada kim "ve'l-teffeti's-sâku bi's-sâk"
'Aşk ankâsıyam ey Şems per-i himmetime
Bir iki merhaledir 'âlem-i gayb u ıtlâk
Osman Şems Efendi
Kuddise Sırruh