Fakîhâ Zann İle Da'vâ-yı Bî-burhânı Neylersin
4 Haziran 2021 tarihinde yayınlanmıştır.
NUTK-İ ŞERÎF
Fakîhâ zann ile da'vâ-yı bî-burhânı neylersin
Bedîhî lafz ile zâil olan îmânı neylersin
Usûl ile fürû'un asl u faslın etmeyüp idrâk
Edât-ı mübhemin vasfında istihsânı neylersin
Mevâlî vü müderris kâdî-i şehr olmadır matlab
Bu yüzden tâlib-i dünyâ olup da'vâyı neylersin
Nefi' vermez 'ulûm-i mâsivâyı eyledin tahsîl
Cidâl ü imtihân u 'ilm-i bî-'irfânı neylersin
Gider eşkâl-i nakş-i mâsivâyı levh-i hâtırdan
Derûnun safhasında sûret-i bî-cânı neylersen
Mu'allim-hâne-i idrâkini seddeyle ey hâce
Bu bâzâr-ı te'allukda tehî dükkânı neylersin
Kapıldık kehrübâ-yı hatt u hâl-i hayl-i hûbâna
Husûfetkâr u gam-meşreb meh-i tâbânı neylersin
Ne hâsıl tâ'at-i nahvet-fezâ-yı zühd-i bâridden
Tehî-cevher olan kân-ı hazef-imkânı neylersin
Rızâyâ mekteb-i 'irfâna gel meşk et sebak-hân ol
Sivâd-ı hâme-i ser-safha-i sıbyânı neylersin
Neccârzâde Rızâ Efendi
Kuddise Sırruh