Fenâ Tozu Sebel Virmek Nedendir Ayn-ı İdrâke
2 Ekim 2024 tarihinde yayınlanmıştır.
NUTK-İ ŞERÎF
Fenâ tozu sebel virmek nedendir 'ayn-ı idrâke
Bu kıyl u kâl u bu kavga yaraşmaz bir avuç hâke
Be-âhir mûr-veş zîr ü zemînde meskenin ma'lûm
'Acebdir renc ü gam bunda nedendir 'abd-i bî-bâke
Gerek bâğ-ı İrem olsun gerekse tâk-ı İskender
Gerekse 'izz-i şevket kûsu çıksın evc-i eflâke
Yele gitdi hevâ-yı nefs ile sermâye-yi 'ömrün
Yapış taksîrine 'özr eyle habl-i "mâ 'arafnâk"e
Felek devr itdiğince rûh-ı pâkine salât olsun
Senâlar eylesin Şeyhî müdâm ol Şâh-ı "levlâk"e
Abdülmecid Sıvâsî
Kuddise Sırruh