Ferâgat Eyle Dünyâdan Yeter Bu Gayret-i Hayvân
19 Ekim 2020 tarihinde yayınlanmıştır.
NASÎHAT
Ferâgat eyle dünyâdan yeter bu gayret-i hayvân
Özün Hazret'e 'arz eyle edegör kendini insân
Kılup sermâye-i 'ömrün telef nefsin hevâsından
Dirîgâ korkarım âhir edersin zâr ile efgân
Mülevves eyleyüp tûl-ı emelle hâne-i kalbin
Edersin zâhirin tezyîn kuru zühd ile bî-iz'ân
Yetiş bir mürşid-i Hakk'a niyâz et merhemin andan
Arıt bu manzar-ı Hakk'ı bulasın derdine dermân
Edüp terk 'izz ile câhı kıluben derd ile âhı
Taleb eyle bir Allah'ı budur matlab-ı ins ü cân
Geçüp bu fânî cünbüşden bekâya kıl heves dâim
Enîs ol Hakk ile bunda ki ferdâ bulasın cânân
Bu hây u hûy-ı kesretle ne mümkün vuslat-ı yâre
Derûnî Sûzî vahdetle gel âh et geceler pinhân
Ahmed Sûzî
Kuddise Sırruh