Feyz-i Hudâ Nûr-ı Safâ Ahmed Muhammed Mustafâ
20 Ekim 2022 tarihinde yayınlanmıştır.
NA'T-I ŞERÎF
Feyz-i Hudâ nûr-ı safâ Ahmed Muhammed Mustafâ
Şemsü'd-duhâ bedrü'd-dücâ Ahmed Muhammed Mustafâ
Revnakdih-i şems ü kamer pîrâye-i şâm u seher
Manzûr-i "mâ zâga'l-basar" Ahmed Muhammed Mustafâ
Gencîne-i ümmü'l-kitâb mecmû'a-i faslu'l-hitâb
"Vallahu a'lem bi's-savâb" Ahmed Muhammed Mustafâ
Ser-safha-i levh ü kalem sultân-ı iklîm-i kıdem
Şâhen-şeh-i vâlâ-şiyem Ahmed Muhammed Mustafâ
Behcet-fezâ-yı ins ü cân ârâyiş-i kevn ü mekân
Peygamber-i âhir zamân Ahmed Muhammed Mustafâ
Nahl-i vefâ-yı evliyâ sırr u safâ-yı asfiyâ
Zîb-âver-i bâğ-ı Rızâ Ahmed Muhammed Mustafâ
Neccarzâde Rızâ Efendi
Kaddesallahu Sırrahu'l-Âlî
NAĞME-İ AŞK