Firâkın Şem'ine Pervâne Düşdüm Yâ Resûlallah
12 Ocak 2023 tarihinde yayınlanmıştır.
İSTİMDÂD
Firâkın şem'ine pervâne düşdüm yâ Resûlallah
'Aceb bir âteş-i sûzâne düşdüm yâ Resûlallah
Harâb etdi serây-ı kalbimi bâr-ı girân-ı hecr
Meded kıl hâlime vîrâne düşdüm yâ Resûlallah
Hevâ-yı vuslatınla zâr kaldım dâr-ı gurbetde
Benim'çün rehber ol yabâne düşdüm yâ Resûlallah
Harîm-i bezme yok ehliyetim ma'zûr u makbûl et
Der-i ihsânına mestâne düşdüm yâ Resûlallah
Aman 'afv eyle taksîrât ü cürm-i Nûrî-i zârı
'Aceb bir hâl ile dîvâne düşdüm yâ Resûlallah
Osman Şems Efendi
Kaddesallahu Sırrahu'l-Âlî