Gafletden Uyan Ey Dil Kim Bâd-ı Sabâ Geldi
24 Temmuz 2021 tarihinde yayınlanmıştır.
NASÎHAT
Gafletden uyan ey dil kim bâd-ı sabâ geldi
'Aşkın yeli esdi bil kim câna safâ geldi
Ey 'âşık-ı rûhânî ve'y 'ârif-i rahmânî
Tenhâ gece bul anı kim rûh-i hüdâ geldi
Ver hâbını emvâta gel kâdî-i hâcâta
Hoş başla münâcâta evân-ı senâ geldi
Koy hâb u hayâlâtı terk eyle muhâlâtı
Bul 'aşk ile hâlâtı kim şevk-i likâ geldi
Kesret kederinden geç vahdet meyşini sâf iç
Sen sayma vücûdun hiç ol nûr-i zıyâ geldi
Hâb içre olur gamlar 'aşk içre olur demler
Âgâh olun âdemler çün 'avn-i Hudâ geldi
Hakkı ko bu ağyârı bul dilde ol dildârı
Fevt eyleme eshârı kim vakt-i nidâ geldi
Erzurumlu İbrâhim Hakkı
Kuddise Sırruh