Gam Def'ine Mâ Meclis-i Rindânede Buldum
17 Nisan 2019 tarihinde yayınlanmıştır.
NUTK-İ ŞERÎF
Gam def'ine mâ meclis-i rindânede buldum
Bîmâr-ı gama şerbeti meyhânede buldum
Cânânımı bulsam deyu beyhûde gezerdim
Çok aradım âhir dil-i dîvânede buldum
Ben mu'tekif-i meykede-i 'aşk-ı Hudâ'yım
Dermânımı ben gerdiş-i peymânede buldum
Mahsûd-i cinândır bilirim halka-i tevhîd
Ol ravzayı bu halka-i 'irfânede buldum
Müştâk-ı gül ü sünbül-i ruhsâr-ı nigârım
Mestâneliğim dîde-i mestânede buldum
Müştak Baba
Kuddise Sırruh