Garaz Ukbâ İse Kardaş Bu Cem'-i Sîm ü Zerden Geç
13 Temmuz 2020 tarihinde yayınlanmıştır.
NASÎHAT
Garaz 'ukbâ ise kardaş bu cem'-i sîm ü zerden geç
Eğer dünyâ ise cennât-ı huld-ı bî-kederden geç
Eğer Mevlâ ise maksûd nidersin gayriye meyli
Ana ikbâl-i küllî et sivâsına nazardan geç
Derersin cîfe-i murdârı dersin 'âşık-ı Hakk'am
'Azîzim gel bu tarzı ko bu kâr-ı pür-zarardan geç
Hudâ bilmez mi sanırsın 'aceb içindeki şirki
Riyâ vü süm'ayı terk eyle gel bu şirk ü şerden geç
Lisânı zikre meşgûl et cenânı fikre Kuddûsî
Bu gafletden bu kesretden bu evsâf-ı beşerden geç
Ahmed Kuddûsî
Kuddise Sırruh