Garaz Ukbâ İse Kardeş Bu Cem'-i Sîm ü Zerden Geç
1 Haziran 2019 tarihinde yayınlanmıştır.
NASÎHAT
Garaz 'ukbâ ise kardeş bu cem'-i sîm ü zerden geç
Eğer dünyâ ise cennât-ı huld-i bî-kederden geç
Eğer Mevlâ ise maksûd nidersin gayriye meyli
Ana ikbâl-i küllî et sivâsına nazardan geç
Derersin cîfe-i murdarı dersin 'âşık-ı Hakk'ım
'Azîzim gel bu tarzı ko bu kâr-ı pür-zarardan geç
Hudâ bilmez mi sanırsın 'aceb içindeki şirki
Riyâ-yı süm'ayı terk eyle gel bu şirk ü serden geç
Lisânı zikre meşgul it cenânı fikre Kuddûsî
Bu gafletden bu kesretden bu evsâf-ı beşerden geç
Ahmed Kuddûsî
Kuddise Sırruh