MuzafferOzak.com (Türkçe)

NUTK-İ ŞERÎF

Gece gündüz çalışup mazhar-ı envâr olalım

Nice bir zulmet-i nefs içre yanup zâr olalım

Yüz sürüp yerlere sular gibi 'ummân arayup

Kalbi sâf idelim 'âşık-ı dîdâr olalım

Şol ezel gülşeninin vaslı gülünden derelim

Hârdan gel beru şimden geri bîzâr olalım

Âb-ı hayvân içelim sâkî-i Hakk'dan bir dem

Cümleden fânî olup Hakk'la biz vâr olalım

Çün bizimle biledir zâhir ü bâtında Hudâ

Niçün ol yârı koyup yâr ile ağyâr olalım

Tâ-be-key gaflet edüp görmeyelim nûr-ı Hakk'ı

Hakkı insâf edelim gel beru bîdâr olalım

İsmâil Hakkı Bursevî

Kaddesallahu Sırrahu'l-Âlî

Gece Gündüz Çalışup Mazhar-ı Envâr Olalim