Geçer Sivâdan İçenler Şerâb-ı Tevhîdi
4 Mart 2024 tarihinde yayınlanmıştır.
NUTK-İ ŞERÎF
Geçer sivâdan içenler şerâb-ı tevhîdi
İrer safâya bulan feyz-i nâb-ı tevhîdi
İdâre eyleyen enfâs-ı pâk-i 'âşıkdır
Hevâ-yı Hû'da bugün âsiyâb-ı tevhîdi
Makdem olmasa ger i'tikâd-ı vahdet-i Hakk
Nice açardı bu dil kufl-i bâb-ı tevhîdi
Gelir mi hâtırına zerre denlü şirk-i vücûd
Şuhûd-i Hakk bilen âhir me'âb-ı tevhîdi
Konulsa cümle-i a'mâl-i hayr mâzâna
Aġır çeker yine keffe-i sevâb-ı tevhîdi
Kıyâs eyleme zinhâr gayra ey Hakkı
Bu bezm-i ma'nâda şol feyzyâb-ı tevhîdi
İsmâil Hakkı Bursevî
Kaddesallahu Sırrahu'l-Âlî