Geçirme Ömrün Ey Sôfî Sakın Kim Kıyl ü Kâl Üzre
12 Aralık 2023 tarihinde yayınlanmıştır.
NUTK-İ ŞERÎF
Geçirme ömrün ey sôfî sakın kim kıyl ü kâl üzre
Ma'ânî yolların gözle ne yürürsün hayâl üzre
Bu dünyânın metâ'ına harîdâr olma ey gâfil
Buna her kim gönül verse geçer ömrü melâl üzre
Hakîkatçe nazar kılsan bu dünyâ ehline cânâ
Ederler dirliği dâim bular ceng ü cidâl üzre
Bu dünyâya neler geldi benim deyüp koyup gitdi
Bilirsin bu fenâ mülkü yaratdı Hakk zevâl üzre
Kaçarsan yetişir sana kovarsan yetişemezsin
Ki dünyâ gölgeye benzer denildi bu misâl üzre
Kanı bir mü'min-i kâmil gönül vermeye dünyâya
Nazar kılmaya hiç ana kaça andan kemâl üzre
Giderken râh-ı 'ukbâya ana yol vermedi dünyâ
Anınçün Zâtî bu nazmı getirdi hasbihâl üzre
Süleyman Zâtî Efendi
Kuddise Sırruh