Geh Perde-i Envâr İle Kendözünü Pinhân Eden
5 Mart 2021 tarihinde yayınlanmıştır.
MÜNÂCÂT
Geh perde-i envâr ile kendözünü pinhân eden
Geh "küntü kenz" esrârını âlemlere i'lân eden
Eyyûb'a dermân eyleyüp Ya'kûb'u nâlân eyleyüp
Kul eylemişken Yûsuf'u Mısr eline sultân eden
Tûr'a tecellî eyleyüp diller tesellî eyleyüp
Musâ'ya deyüp "len terân" ol vech ile ihsân eden
Varup sarây-ı vahdete seyr etmeğe sırr-ı Habîb
Mi'râca da'vet eyleyüp eltâf-ı bî-pâyân eden
Azîz Mahmûd Hüdâyî
Kaddesallahu Sırrahu'l-Âlî