Gel Beri Feyz-i Firâvânla Ummân Olalım
20 Ağustos 2022 tarihinde yayınlanmıştır.
NUTK-İ ŞERÎF
Gel beri feyz-i firâvânla 'ummân olalım
Dökelim kanlı yaşı dürr ile mercân olalım
Dîde-i sırrımıza kühl-i cilâyı çekelim
Açalım gözlerimiz şâhid-i Rahmân olalım
Bize bizden katı akreb iken ol Rabb-i Rahîm
Biz niçün dûr düşüp pür-gam-ı hicrân olalım
İbn-i Edhem gibi dervîş olup âlemde
Sûretâ merd-i gedâ tahtında sultân olalım
Çün bizi alsa gerek bâd-ı fenâ âhir-i kâr
Gel bugün zerre gibi hâk ile yeksân olalım
Hakkıyâ menzil-i vasl ise murâd u maksûd
Koyalım gayrı yolu pîr ü merdân olalım
İsmâil Hakkı Bursevî
Kaddesallahu Sırrahu'l-Âlî