Gel Beri Merd-i Cihân Ol Ey Peri Bir Câna İr
30 Temmuz 2023 tarihinde yayınlanmıştır.
NUTK-İ ŞERÎF
Gel beri merd-i cihân ol ey peri bir câna ir
Varlığından el çeküp sen vuslat-ı cânâna ir
Çek elin dâr-ı fenâdan kûs-i rıhlet çalmadan
Kıl sefer mülk-i bekâya mevti yok ihsâna ir
Serseri gezme cihânda âdem ol bir iş başar
Mürşid-i kâmilden el al menzil-i sultâna ir
Geç nübüvvet perdesinden ir makâm-ı vuslata
Gir velâyet şehri içre Ahmed-i Rahmân'a ir
Bir dürr-i yektâ güzelsin solmadan hüsnün senin
Çık anâsır perdesinden mâhi-veş 'ummâna ir
İstimâ' itdinse zâhid ger kelâm-ı Nakşî'yi
Kangı ma'denden ki geldin yine var ol kâna ir
Nakşî-i Akkirmânî
Kaddesallahu Sırrahu'l-Âlî