Gel Berü El Gıybetinden Kes Dilin
1 Ekim 2023 tarihinde yayınlanmıştır.
.jpg)
NASÎHAT
Gel berü el gıybetinden kes dilin
Alma boynuna günâhını elin
Şol kişinin kim dili gıybetdedir
Ol dil ucundan başı mihnetdedir
Hakk rızâsın eyler isen ger taleb
Açma fermân-ı Hudâ'dan gayra leb
Ger dilersen lutf-ı Hayy-ı lâ-yemût
Ur dehânın üstüne mühr-i sükût
Ey püser pend ü nasîhat eyle gûş
Râhat istersen dehânın açma boş
Her ki söze başlayup iksâr ide
Sînesi içre dilin bîmâr ide
Ehl-i 'aklın kârı hâmûş olmadır
Kâr-ı câhil sözde pür-cûş olmadır
'Âkil olan kizb ü gıybet eylemez
Zemme ebleh gibi rağbet eylemez
Zikr-i Hakk'dan gayrıya açma dehân
Hakk kelâmın söyle söylersen hemân
Ol kim ızhâr-ı ibâdet eyledi
Kendiyi öğdü cehâlet eyledi
Tende dil çok söylemekden zârdır
Söylemez çok o ki 'aklı vârdır
Ol kim ızhâr-ı fezâhat eyledi
Kendisin satdı fesâhat eyledi
Gel dilin ağzında habs it ey püser
Kes ümîdin elden ol hayrü'l-beşer
Kim ki kendi 'aybına nâzır ola
Kendinin sılâhına kâdir ola
Merd isen kıl kendi 'aybına nazar
Sana el 'aybından ey Emre ne zâr