Gel Ey Dârü'ş-Şifâ Lutf Et Unutma Ahde Peymânı

26 Haziran 2019 tarihinde yayınlanmıştır.

NUTK-İ ŞERÎF

Gel ey dârü'ş-şifâ lutf et unutma 'ahde peymânı

Getirdin ey perî çün kim bu mülke bir Süleymân'ı

Çü geldi nutk-i pâkinden yıkılmış kalbi şâd etmek

Salâ eyle gel imdi sen kabûl etme bu noksânı

Keremden nesne eksilmez bilirsin ey şeh-i 'âlem

Cihân halkını toylarsın değil kim ehl-i 'irfânı

Budur maksûd olan âhir hakîkat kevne gelmekden

Bu sırra vâkıf olmakdır açup ol râh-ı ihsânı

Gel isbât-ı vücûd eyle bu meydân-ı muhabbetde

Çü sürdün himmetin rahşın urup ol top u çevgânı

Velî terkin edüpdür bu ne hâcet 'arz-ı hâl etmek

Ki gitmez kendi bâdından eder elbet o tuğyânı

Nedir cânâ bu sözlerden garaz bilsem eğer dersen

Mürüvvetdir garaz şâhım bilirsen ey kerem kânı

Kerîm mi ol değildir ki kemâlin 'arz edüp Nakşî

Sana ta'lîm ede cânâ bu âyîn ü bu erkânı

Nakşî-i Akkirmânî

Kuddise Sırruh